D'CHIUBI GIGLÄ
Wär si mir?
D’Chiubi Giglä si e Gruppe vo junge u viusitig engagierte Persone us dr Region Kirchdorf u Umgäbig. Mit viu Motivation u grossem Engagement setze mir e grosse Teu vo üsere Freizit i, dassmr gmeinsam chöi Projekt verwürkleche (Bau Brätliplatz, Engagement Spielplatz Kirchdorf, etc.), Fest fiire u organisiere. Us Gruppe si mir scho lenger zäme ungerwägs, im Jahr 2017 heimr dr Schritt gwagt u e Verein gründet, dassmr üse gmeinsam Troum - e eigeti Party - chöi erfüue.
Üsi Motivation und Philosophie
Aus regionau verankerete Verein wei mir i erster Linie üsi Umgäbig berichere und Mehrwärte für die ganzi Region schaffe. Verastautige biete e ideali Glägeheit nöi Kontäkt zknüpfe u ds Netzwärk z'erwitere. Es isch üs e härzensaglägeheit für Jung u Aut vorbiudlechi Events dürezfüehre. Es witers Ziu isch die innovativ Freizitgstautig vo üsne Mitglider. Mit ungerschidleche Aläss chöi mir stetig üse Horizont erwitere u nöi wertvolli Erfahrige sammle.